ليش البنت بتحكي بالآل وألنا والشب بالقاف والكاف؟؟

أترككم مع Melody Animadversion "ميلودي للانتقاد"
سيناريو و حوار و فكرة: سيسي للإخراج الفني

الفكرة من الموضوع: انتقاد تحريف اللهجة الأصلية.

الأستاذ: صحفي وخبير فني/ طولكرم.
وديع: تاجر مر/ القدس.
نارة "ظريفة": بدوية تحلب الغنم / س ص
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
نارة "على التلفون": وينج بعينج الله احصريلي هالخايرات هالغنمات تا احلبهن و انا مروح، بدجن اشي من السوك؟؟ ..طايب بشوف انا عارف عنجن..

نارة للتاجر وديع: مرحبا.

وديع: اهلا وسهلا خيتي اتفضلي.

نارة: اممممم كام هدا العطر؟

وديع: الك مجاناً ما شاء الله عليكي و على دلعك.

نارة: هههه تسلملي كلك زوء.

وديع: من وين هالقمر؟

نارة: ما دخلك، خليك بحالك اوك؟!

وديع: اسفين خيتي بس حبينا نتعرف على النسمات الرقيقة.

نارة "تحدث نفسها بصوت خفيف": ريتج تبلع لسانج يا جلب ما ازفتج

وديع يحدث صديقه من طولكرم على التلفون..
وديع: اااااخ يا زلمي اجت وحدة عندي اليوم ولا أرق من هيك ولا أنعم..

الأستاذ: اوف اوف اوف شو مالك امسك حالك ياخي.

وديع: يا زلمي سحرتني بحركاتها ونغماتها، ولا احلى شي رنة موبايلها بوس الواوا..

الأستاذ: سيبك منها يا زلمي انسى، ابصر من وين بتلاقيها من س ولا ص.. انا بحب البنت الأصيلة اللي بضل محافظة على أصلها ولهجتها الجميلة من مكانها..

وديع: معقوووول؟!! الله أعلم يا زلمي بس انتا كلك حكم يا أستاذ و بتعرف للواحد على الطاير..

الأستاذ: ااخ شو بدي احكيلك بس، ياما ايام الجامعة شفنا هالشوفات ولا بالسوق ولا ولا ولا، الوحدة بتكون جاي من ابصر وين على المدينة بتقلب لهجتها حتى الكاف خلوها آل..

وديع: اها

الأستاذ: ولك حتى لما قطعوا الكهربا عنا بطولكرم هديك المرة اسمعت وحدة قالت:" يييي أطعو الأهربا" وبالأخير طلعت من منطقة س.

وديع: ههههه وين هاي منطقة س؟

الأستاذ: يعني سبانخ يا وديع...

وديع: ههههه استاااااااااااز.


تنويه: للجميع أنا أقرأ الردود و التعليقات و أرد عليها، و أي انتقاد خارج عن نطاق الأدب سنضع عليه بلوك شخصي.


تحياتي للجميع